Iiglavu eziyilelwe ngokukodwa ukukhwela isithuthuthu ziya kuphucula ukukhululeka nokhuseleko lomkhweli.
Iiglavu zesithuthuthu zihlala zine:
• Indawo yentende eyomelezweyo eyenzelwe ukukhwela.
• Ukhuseleko lwamaqatha.
• Isibopheleli esijikeleze isihlahla sesandla ukuthintela ukutyibilika (umz. izip neVelcro).
• Ukugqithelana nebhatyi (uhlobo lwesandla olude).
Izinxibo zesithuthuthu ezenzelwe le njongo zinika ukhuseleko olungcono kwimozulu nakwingozi kunezinxibo eziqhelekileyo. Kwizinxibo ezifanelekileyo zesithuthuthu uya kuziva ukhululekile ngakumbi.
Ibhatyi nebhulukhwe kufuneka:
• Zimelane kakhulu nokuhlikihleka nokukrazuka.
• Zenzelwe indawo yokukhwela.
• Zigubungele ngokupheleleyo iingalo, imilenze nomzimba wakho.
• Zibotshelelwe kwisihlahla sesandla, esinqeni nakwiinqatha ukuthintela ukunyuka nokuvula ulusu.
• Zibe nokhuseleko lokubethwa nokuhlikihleka kumqolo, kumagxa, kwiingqiniba, kwizinqe nakumadolo akho.
Njengeeglavu, izihlangu eziyilelwe ukukhwela isithuthuthu ziya kunika ukukhululeka nokhuseleko olukhulu.
Izihlangu zesithuthuthu zihlala zine:
• Ukomelezwa phakathi kwebhola yonyawo nesithende.
• Ukhuseleko lwenqatha.
• Ukhuseleko lomlenze ongezantsi.
• Isibopheleli esijikeleze umlenze ukuthintela ukutyibilika (umz. izip neVelcro).
• Ukugqithelana nebhulukhwe (uhlobo lwebhutsi).
Ezinye izinxibo zokhuseleko ezithile zomkhweli ziquka:
• Izikhuseli zomqolo zokukhusela umqolo wakho xa kukho ingozi.
• Amabhanti ezintso okuxhasa umqolo wakho ongezantsi nokunciphisa ukudinwa.
Pass