Isiqithi Esipeyintiweyo
Apho lumiselwe khona: Kuyo nayiphi na indlela.
Injongo: Ukwalela abaqhubi ukuba baqhube kule ndawo.
Okufuneka kwenziwe: Qhuba ngendlela yokuba ungemi, ungapaki okanye ungaqhubi phezu kwesiqithi, ngaphandle kokuba uyalelwe ligosa letrafikhi okanye lipolisa, ukuphepha ukungqubana okanye kwimeko yengxakeko.
Indawo Yokupaka
Apho lumiselwe khona: Kuyo nayiphi na indlela ingakumbi ezidolophini.
Injongo: Ukubonisa apho unokupaka khona.
Okufuneka kwenziwe: Qinisekisa ukuba imoto yakho ipakwe ngokupheleleyo ngaphakathi kwemigca ephawula indawo yokupaka.
Kwimeko yokupaka ngekona kufuneka upake kude kangangoko endleleni, ngaphambili kwemoto yakho kungekho kude ngaphezu kwe-150mm kumphetho kodwa akukho nxalenye yemoto enokuba phezu okanye ngaphezu kwendlela yabahambi ngeenyawo.
Indawo Yokupaka Ekhethekileyo
Apho lumiselwe khona: Kwiindawo zokupaka.
Injongo: Ukuchonga indawo yokupaka yabasebenzisi bendlela abachongwe luphawu kuphela.
Okufuneka kwenziwe: Ukuba awuyonxalenye yeqela elichongwe luphawu, awunakupaka apha.
Kwimeko yengxakeko ungama okanye upake kuphawu olubonisa ifowuni ye-SOS.
Zizimoto zempahla kuphela ezinokuma okanye zipake kwindawo ephawuliweyo ebonisa indawo yokulayisha.
- A - I-AMBULENSI
- B - IBHASI
- L - INDAWO YOKULAYISHA
- T - ITEKSI
- F - UKUCIMA UMLILO
- R - IRIKSHO
- CD - EZOZAKUZO
- MB - IMINIBHASI
- SOS - IFOWUNI YE-SOS
- D - UMKHOSI WOKHUSELO
- P - INKONZO YAMAPOLISA YOMZANTSI AFRIKA
Pass