Imigca Yemizila - Imigca Yesikhokelo
Apho lumiselwe khona: Kuyo nayiphi na indlela.
Injongo: Ukubonisa ukuba usebenzisa inxalenye yendlela enetrafikhi ehamba kwicala elinye.
Okufuneka kwenziwe: Qhuba embindini womzila wakho ophawuliweyo.
Imigca Yesikhokelo
Apho lumiselwe khona: Kwisiphambuka.
Injongo: Ukukukhokela ukuba ulandele indlela echanekileyo kwisiphambuka.
Okufuneka kwenziwe: Jikisa imoto yakho ngokwemigca yendlela.
Iintolo Zokwahlukana - Imigca Yesikhokelo
Apho lumiselwe khona: Kuyo nayiphi na indlela.
Injongo: Ukubonisa ukwanda kwenani lemizila phambili.
Okufuneka kwenziwe: Qinisekisa ukuba awuxakathi nayiphi na imigca yemizila.
Iintolo Zolwazi
Apho lumiselwe khona: Kuyo nayiphi na indlela ingakumbi kwizitalato zecala elinye okanye kwiziphambuka ezibanzi ezinesakhiwo esinzima.
Injongo: Ukubonisa icala onokuqhuba ngalo kumzila okanye endleleni.
Okufuneka kwenziwe: Umqhubi kufuneka akhokelwe ziintolo kwaye angaze, ngaphandle kokuba uceliwe ligosa letrafikhi, aqhube ngecala elichasene noko kuboniswa ziintolo.
Umgca Womphetho
Apho lumiselwe khona: Kuyo nayiphi na indlela.
Injongo: Ukubonisa ukuba kunokubakho umphetho ecaleni okanye embindini wendlela. Uhlala ufumaneka kwiziqithi kwisiphambuka.
Okufuneka kwenziwe: Qhuba ngenkathalo kuba unokonakalisa imoto yakho ukuba uqhuba udlule phezu komphetho.
Pass