Imithetho Yomgwaqo

Ukuthwalwa Kwempahla Nabagibeli

Ukuthwalwa kwempahla

Impahla akumele ilayishwe emotweni ngendlela engenza ukuthi:

  • ithinte ubuso bomgwaqo,
  • ivimbe umshayeli ukuthi abone ithrafikhi ephambili noma nhlangothi zombili, noma ukubona kwakhe esibukweni sangemuva kwethrafikhi engemuva,

Engeyona —

  • equkethwe ngokuphepha ngaphakathi emzimbeni waleyo moto; noma
  • eboshelwe ngokuqinile kuleyo moto,

futhi engavikelwanga kahle ekutheni ingaxegi noma ichitheke kuleyo moto.

Ophahleni lwayo, uma leyo moto kuyimoto evamile, uma ubude baleyo mpahla obulinganiswa kusukela endaweni ephakeme kakhulu yophahla beqa uhhafu wobude bemoto, obulinganiswa kusukela emhlabathini: Kodwa izinqumo zalesi sigatshana azisebenzi kumabhayisikili athwalwa ophahleni lwemoto.

Noma yisiphi isitsha esinendawo yokuboshelwa ngama-‘twist lock’, ngaphandle uma leso sitsha siboshelwe ngokuqinile ngokungenani ngama-‘twist lock’ amane.

Indlela engcono kakhulu yokuthwala imithwalo esithuthuthwini ukuyifaka ezithwalini ezifanele eziboshelwe ngokuqinile esithuthuthwini.

Izimo lapho abantu bangathwalwa khona emotweni yempahla

Uma abantu bethwalwa emotweni yempahla, leyo ngxenye yemoto abathwalwa kuyo kumele ibiyelwe kuze kufike ebudeni —

  • obungenani obungama-350 amamilimitha ngaphezu kobuso lowo muntu ahlezi kubo, noma
  • obungenani obungama-900 amamilimitha ngaphezu kobuso lowo muntu ame kubo.

Kuphambene nomthetho ukuthi abagibeli bagibele ekharaveni.