Imigqa Yomgwaqo

Izinhlahla Eziyimpoqo Nezimpambano Ezinebhokisi

Izinhlahla zendlela eziyimpoqo

Lapho zibekwa khona: Kunoma yimuphi umgwaqo ngaphambi kwempambano.

Inhloso: Ukubonisa ukuthi ungaqhubeka kuphela ngendlela eboniswa uhlahla olusemzileni wakho.

Okumele kwenziwe: Khetha umzila ofanele ngesikhathi ukuze uhambe ngendlela ofuna ukuya ngayo.

• Qinisekisa ukuthi enye ithrafikhi ilandela izinhlahla zendlela eziyimpoqo emizileni yayo.

• Bheka indawo ongaboni kuyo ngaphambi kokuphendukela kwesokudla ukuze ubone ukuthi imoto esemzileni oseduze kwakho okumele iphendukele kwesokudla (ngenxa yohlahla lokuphendukela kwesokudla emzileni wayo) ayiqhubeki iqonde phambili.

Abafundi

Umugqa womzila wamabhasi

Lapho ubekwa khona: Ngakwesokunxele noma ngakwesokudla somgwaqo edolobheni.

Inhloso: Ukubonisa leyo ngxenye yendlela egcinelwe amabhasi kuphela ngezikhathi eziboniswa ophawini.

Okumele kwenziwe: Uma ungashayeli ibhasi, ungashayeli emzileni oboniswa uphawu ngezikhathi eziboniswe ophawini.

Abafundi

Impambano enebhokisi

Lapho ibekwa khona: Ezimpambanweni.

Inhloso: Ukunqabela abashayeli ukuthi beme endaweni emakiwe ngoba lokhu kungavimbela enye ithrafikhi ukuthi iphenduke noma iqhubekele phambili.

Okumele kwenziwe: Ungami ebhokisini elimakiwe futhi uqinisekise ukuthi uzokwazi ukudlula empambanweni ngaphambi kokuyingena.

Abafundi