Izimpawu zemizila
Uphawu lokuqondisa lwangaphambili
Lapho lubekwa khona: Ngakwesokunxele somgwaqo.
Inhloso: Ukukhombisa indlela okumele uyilandele ukuze ufinyelele emzileni obaluleke kakhulu.
Okumele kwenziwe: Landela izimpawu zethrafikhi uma ufuna ukungena emzileni obaluleke kakhulu bese uqaphela uphawu lokuqondisa olulandelayo.
Uphawu lokuqondisa lwangaphambili lwezokuthutha
Lapho lubekwa khona: Ngakwesokunxele sanoma yimuphi umgwaqo ongeyona ifriwe.
Inhloso: Ukukhombisa indlela eya esiteshini sezokuthutha kusuka emzileni obungakudlulisa esiteshini samabhasi, ethekwini, esikhumulweni sezindiza noma endaweni yokwehlisa ihelikhoptha.
Okumele kwenziwe: Landela izimpawu zethrafikhi uma ufuna ukuya esiteshini bese uqaphela uphawu lokuqondisa lwezokuthutha olulandelayo.
Uphawu lokuqondisa lwangaphambili olunjengebalazwe
Lapho lubekwa khona: Ngakwesokunxele sanoma yimuphi umgwaqo lapho imizila emibili ihlangana khona nomzila onenombolo ngemigwaqo ehamba ngandlela-nye.
Inhloso: Ukubonisa ukuthi umzila olinganayo noma ophakeme ngesikhundla ungangenwa kusuka emgwaqweni ohamba kuwo. Lo mzila omusha wakhiwe yimigwaqo emibili ehamba ngandlela-nye.
Okumele kwenziwe: Kumele wazi kusenesikhathi ukuthi ufuna ukuhamba ngayiphi indlela, isib. eNyakatho (N) noma eNingizimu (S).
Uphawu lomzila ongenye indlela
Lapho lubekwa khona: Empambanweni yemizila yemali yomgwaqo nemizila engenye indlela.
Inhloso: Ukukhombisa ukuthi kukhona omunye umzila ongalandelwa ngaphandle kwalowo okhokhelwayo.
Okumele kwenziwe: Nquma kusenesikhathi ukuthi ufuna ukuthatha umzila okhokhelwayo noma omunye umzila. Uma ufuna ukuthatha omunye umzila, yehlisa isivinini lapho usondela empambanweni. Khumbula ukuthi omunye umzila uvamise ukungabi sezingeni eliphezulu njengomzila okhokhelwayo.
Pass